Objekt banimi i ndërtuar nga heroi kombëtar Ramë Bllaca. Sipas banorëve lokal dhe të dhënave historike ky objekt është i ndërtuar rreth vitit 1936. Edhepse ishte iniciatori kryesor për ndërtimin e shtëpi-kullës, Ramë Bllaca nuk arriti ta shoh të përfunduar për shkak se u vra nga forcat armike të asaj kohe më 27 Gusht 1937.

Objekti gjendet në pjesën qendrore të fshatit dhe dikur ka shërbyer si shkollë fillore për banorët e fshatit. Gjendja e tanishme e objektit është e mjerueshme, dhe e pabanuar.

Më 25 Prill 2007 kuvendi komunal i Suharekës mori vendim që ky objekt të merret nën mbrojtje. Në vitin 2009 pas nënshkrimit të memorandumit të mirëkuptimit ndërmjet komunës së Suharekës dhe CHwB, CHwB mori përsipër hartimin e projektit të restaurimit të këtij objekti duke filluar implementimin e tij në të njejtin vit.

Faza e pare e projektit të restaurimit ka përfunduar dhe së shpejti pritet edhe përfundimi i restaurimit komplet të objektit dhe rikthimi i funksionit të tij.