Maja Bistra 1 gjendet në kufirin Kosovë –Maqedoni me faqe të kthyer kah Kosova. Kreshta e saj është në territorin e Kosovës dhe kjo kreshtë është më e rrezikshme se kreshta e Bistra 2. Në hartat e vjetra figuron edhe me emrin Peskovi dhe Paskovi, ndërsa më vonë në hartat gjeografike shkollore të Krahinës Autonome të Kosovës figuron me emrin maja Bistra.

Lartësia e Bistrës 1 është e shënuar me një kuti të vendosur në maje të malit, sipas të cilës kjo maje arrin lartësinë mbidetare 2651 metra. Kjo matje e bën Bistra 1 majën e dytë më të lartë në Kosovë, pas majës së Gjeravicës, e cila ështe 2656 metra e lartë.