Freedom Festival apo Festivali i Lirisë është festival i përvitshëm që mbahet në Prishtinë në përkujtim të çlirimit të Kosovës nga trupat e NATO-s në vitin 1999. Freedom Fest është i vetmi festival i muzikës globale në Kosovë.

Bukur shumë artista të famshëm ndërkombëtarisht kanë hirësuar skenën e Festivalit të Lirisë, edhepse deri tash janë mbajtur vetëm dy edicione. Në vitin 2008, vitin e parë të festivalit që u mbajt në periferinë e qytetit, performuesit kryesorë ishin MethodMan dhe Redman, GusGus, Banco de Gaia etj. Në vitin 2009 performuesit kryesorë ishin Chamillionaire, Stereo MC’s, Roni Size etj.

Kjo ngjarje kulturore dy ditëshe, që zakonisht mbahet me 12 dhe 13 qershor organizohet nga Radio Urban FM. Për më shumë informata dhe fotografi vizitoni faqen e tyre zyrtare www.freedomfestival.eu dhe grupin e tyre në Facebook.

Fjalët kyçe: festival, muzikë, ndërkombëtar, verë, rini