Xhamia e Hadumit në Gjakovë u ndërtua nga Hadum Sylejman Efendia në dekadën e fundit të shekullit XVI, respektivisht në vitet 1594/1595. Nga struktura e saj e ndërtimit kjo xhami i takon periudhes Klasike Osmane, përderisa shkolla ishte tradicionale, e ndikuar nga arkitektura qytetare e rajonit.

Xhamia më parë ishte pjesë e kompleksit të përbërë nga medresja, biblioteka dhe dyqanet që u shkatërruan gjatë luftës së vitit 1999.

Xhamia e Hadumit është hapësirë njëkupolëshe, me hajatin e përbërë nga tri pjesë dhe me minaren nga këndi jugperëndimor. Është e pasur me piktura murale me motive florale dhe i prezenton shembullin më të mirë të barokut osman.

Fjalët kyçe: Trashëgimi Kulturore