Kur të vendosni me lanë qendrën e Gjakovës dhe me eksploru vendet përreth, n’rrugë për në Prishtine, 14 km larg Gjakovës ndodhet Liqeni i Radoniqit që është liqeni i dytë n’Kosovë për madhësi. Për me mbrri n’Radoniq vazhdon rrugën për në Prishtinë dhe ktheheni në degën e djathtë t’rrugës (d.m.th në anën e kundërt të degëzimit të rrugë që t’çon në Deçan). Në vazhdim shkoni në anën e majtë në Novo Sellë, në një rrugë gjysmë t’asfaltume, apo përmes një rruge më të gjatë përgjatë fshatrave Cërmjan dhe Rakoc. Liqeni i Radoniqit e bart emrin e fshatit që u përmbyt me formimin e liqenit n’vitet e ‘80-ta duke i detyru banorët e këtij fshati të zhvendosen në vendet përreth dhe sot ky liqen furnizon Gjakovën dhe Rahovecin me ujë të pijshëm. Noti ndalohet në të por, peizazhi i lezetshëm të jep mundësi me ecë përgjatë liqenit dhe mundësi të mirë me vazhdu në fshatrat n’afërsi. Për ata me gjuetinë si pasion kjo pikë është shumë e mirë me ju bashku gjuetarëve të zellshëm të fshatit Ratishw. Ky fshat ka male shumë të thella që bartin shumë lloje të specieve n’vete që e bëjnë vendin e përshtatshëm për gjueti.