Qyteza e Lipanit ndodhet në pjesën qëndrore të Kosovës dhe përfshin një territor prej 442 km2. Numri I përgjithshëm i popullsisë së Lipjanit konsiderohet të jetë 76.000 me shumicë shqiptare.

Lipjani gjendet në magjitralen Prishtinë-Shkup dhe ka 16 km distance nga Prishtina.

Në kohën romake qyteti njihej me emrin Ulpiana, prej nga edhe derivon emri Lipjan.

Poashtu mendohet se Lipjani është vendlindja e Lekë Dukagjinit, hartuesit të kanunit që bart emrin e tij, i cili zëvendësoi Skenderbeun në udhëheqje të rezistencës shqiptare kundër sundimit Osman.

E hëna mund të jetë dita më e përshtatshme për tu vizituar qyteza, atëherë kur rrugët janë të stërmbushura me njerëz dhe duket se të gjithë shkojnë në të njejtin destinacion-Pazarin e madh- që ndodh vetëm njëherë në javë. Veshjet tradicionale të vendit, pemët e perimet, duhani natyral deri tek paisjet elektrike për kuzhinë gjinden në tezgat e këtij tregu.

Qytesa nuk është e shpërndarë, gjithcka duket se ndodhë në pjesën qëndrore të tij. Arkitektura tradicionale shihet të jetë në zhdukje e sipër. Këtyre 10 viteve të fundit ndërtesa të larta banimi gradualisht zëjnë qendërn. Në Lipjan jetojnë kryesisht shqiptarë mirëpo ka edhe qytetarë të përkatësisë serbe.