Kabashi shtrihet në grykë-luginë, rreth lumit të Korishës dhe ndodhet rreth 9 km në verilindje të qytetit të Prizrenit. Eshtë vend malor dhe momentalisht i pabanuar pasiqë banorët janë shpërngulur, disa në fshatin Korishë e të tjerë në Prizren e vende tjera. Aty ndodhen kampshtëpiza të cilat njerëzit i shfrytëzojnë gjatë verës dhe vikendeve. Dikur ishte vend shumë i rëndësishëm dhe në popull njihet edhe me emrin Kabashi i Vendit, në të cilin ndodhen mbetet e 13 kishave shumë të vjetra si dëshmi për vjetërsinë e vendit dhe rëndësinë në të kaluarën. Ndër kishat më atraktive është ajo e Shën Pjetrit e cila është e vednosur në shpellë dhe e dekoruar me afreska.