Fshati Zhegër gjendet në magjistralën Gjilan- Ferizaj, 12 km larg nga Gjilani. Zhegra konsiderohet fshati i parë, hyrje në Grykën e Karadakut, më tutje pasojnë fshati Pidiq dhe Shurdhan. Lumi Karadak përshkon Zhegrën e cila ka infrastrukturë rrugore dhe administrative. Ura e vogël hyrjen në fshat e bën mjaft sharmante, po aty, buzë saj gjendet prroni me ujë të pijshëm përderisa lumi duket të jetë shtëpi për shumë pata të buta. Zhegra ka rrugën kryesore dhe disa rrugica të asfaltuara lehtësisht të qarkullueshme. Lufta e fundit në Kosovë dukshëm shënon fshatin i cili ende është në hov të rindërtimit.