Brezovica është fshat në komunën e Shtërpcës dhe njëherit është qendra më e rëndsishme turistike për sportet dimërore. Brezovica shtrihet pranë maleve të Sharrit dhe ka lartësi mbidetare prej 900-2500m. Brezovica është qenda me infrastructure më të kompletuar për zhvillimin e aktiviteteve dimërore.

Shtigjet e skijimit gjenden 12 km larg fshatit dhe hapësira e qendrës së skijimit është rreth 2500 ha.. Përbrenda kësaj hapësire janë shtigjet e skijimit me gjatësi mesatare rreth 4 km dhe me një lakueshmëri mesatare prej 38%. Në lartësinë mbidetare prej 1718 m, në Livadhin e Madh gjendet teleferiku më i ri. Stacioni i daljes nga ky teleferik është në lartësinë 2212 m mbi nivelin e detit. Qendra e skijimit "Brezovica" është e hapur për dashamirët e skijimit gjatë gjitha stinëve të vitit, ku në verë, sipërfaqja e mbuluar me borë zvogëlohet por prapë lë mundësin e shfrytëzimit.

Kjo qendër ka disa hotele që ofrojnë shërbime cilësore të kategorive më të larta. Ndër hotelet më të njohura është Hoteli Narcis i kategorisë së parë i cili gjendet në lartësinë mbidetare prej 900 m, dhe është 9 km larg shtigjeve të skijimit. Në lartësinë mbidetare 1700 m gjendet hoteli i kategorisë "B", Hoteli Molika, i cili gjendët pranë shtigjeve të skijimit . Në këtë hotel mund të furnizoheni edhe me paisjet e nevojshme për skijim.

Për më shumë informata vizitoni web http://www.brezovica-ski.com/ . “Snownjeri” është një grup/forum i skiatorëve nëpër shtigje të ndryshme në Kosovë e ndër to edhe në Brezovicë. Për galerinë e tyre të pasun edhe informatat tjera ja web-i www.njeri.net