Me të dalë nga qyteti i Mitrovicës, 8 km në verilindje , tuneli i parë është hyrje për një zonë sa të bukur aq edhe të çuditshme. Ky rrugëtim fillon me Stari Trg-un për të vazhduar me Rashanin, pastaj Barën deri në Bajgorë. Rruga deri atje është gjarpërore por e mirë. Që nga vendbanimi industrial Stari Trg fillon madhështia e bjeshkëve ku shtëpitë janë pozicionuar larg njëra tjetrës. Ndërtesat kolektive që gjenden në rrafsh, krijojnë përshtypjen se njëherë kjo paralagje, e ndërtuar nën regjimin strikt të arkitekturës komuniste, ka qenë e gjallë dhe plot jetë. Sot ajo është gati e zbrazur.